தினம் ஒரு சொல் .36 [ 4/10/2018 ]
குழந்தைகளுக்கு கதை சொல்வது எளிதான விஷயமல்ல
.அவர்களின் ஞாபக சக்தியும் கற்பனை வளமும் நம்மை பிரமிக்க வைக்கும் .
நேற்று சொன்ன கதையையே இன்று சொல்லும் போது
நாம் ஒரு வார்த்தையை விட்டுவிட்டாலும் டக்கென்று பிடித்துவிடுவார்கள் .பாதி கதையில்
அவர்கள் குறுக்கிட்டு வேறு கதையாக்கி விடுவார்கள் .
எல்லா விலங்குகளும் குழந்தைகளுக்கு பிடிக்கும்
ஆனால் அந்த குள்ள நரி மட்டும் மோசமானது என்பதில் அவ்வளவு உறுதியாய் இருப்பார்கள் குழந்தைகள்.
யானையும் எலியும் நண்பர்களாகி விடுவார்கள்
.சிங்கமும் ஆடும் கிரிகெட் விளையாடும் .கரடியும் மானும் நடனம் ஆடும் .
ஸ்பைடர் மேனும் , ஹீ மேனும் தலை நீட்டுவார்கள்
.குழந்தைகளில் உலகம் விசித்திரமானது .சண்டை போட்டவர் திடீரென ஃபிரெண்டெஸ் ஆகிவிடுவார்கள்
.
தாத்தாவுக்கும் பாட்டிக்கும் எதுவும் தெரியாது
என்பதை தைரியமாகச் சொல்வது குழந்தைகள் மட்டுமே !அந்தப் பிஞ்சுக்கால்கள் நெஞ்சை மிதித்து
ஆணவத்தை ,அகங்காரத்தை ,ஈகோவை துவம்சம் செய்துவிடுவார்கள் .
பேரப்பிள்ளைகளின் ஒவ்வொரு கேள்விக்கும் பதில்
தேட ஆரம்பியுங்கள் உங்கள் அறியாமை கொஞ்சம் கொஞ்சமாய் விடைபெறும் .
0 comments :
Post a Comment