இன்னும் மீதமிருக்கிறது நம்பிக்கை

அந்த நம்பிக்கை மட்டும் போதாதே!

அதுவும் மெல்லத் தேய்ந்து வருகிறதே !

மானுடம் இன்னும் பட்டுப்போகவில்லை

மெய்தான் பெரும்துயரங்களூடே தலைநீட்டுகிறது

ஆயினும் அதன் குரலில் பழைய மிடுக்கு இல்லையே !

போராட்டத்தின் வெப்பம்  இன்னும் தணிந்துவிடவில்லை

சாம்பல் பூத்துக் கிடக்கிறது உண்மைதான்

ஊதி காட்டுத் தீ ஆக்கும் சக்தி யாருக்கும் இருக்கிறது ?

ஓராயிரம் வாய்கள் ஒன்றினைந்து  ஊதும் பொழுதில் 

பனிமூடிய கங்குகளும் யுகநெருப்பாய் எழுமே !

பாலஸ்தீனம்  உயிர்த்தெழுமே ! தோழர்கள் பறை முழங்க!

சுபொஅ.

07/08/2024.