நேற்று எங்கு இருந்தன ?

நேற்று வாசித்த புத்தகத்தை

இன்று வாசித்தேன்

புதிய சாளரங்கள் திறந்தன

அவை நேற்று எங்கிருந்தன ?

நேற்று பழகிய  மனிதனிடம்

இன்று பழகினேன்

ஏதோ குறைபாடுகள் தென்பட்டன

அவை நேற்றும் இருந்தனவா ?

நேற்று நடந்த தெருக்களில்

இன்று நடக்கிறேன்

அந்நியனாய்ப் பார்க்கிறார்கள்

அந்தத் தெரு எங்கே போனது ?

நேற்றில் தொலைந்துபோன நானும்

இன்று காணும் நானும்

ஒன்றல்ல எனில் நேற்றைய நான்

தொலைந்த இடம் எது ?

மாற்றம் ஒன்றே மாறதது

மாற்றத்தின் சூக்குமத்தை

மதத்தில் தேடின் கிடைக்காது

மார்க்சியத்தில் தேடு !

சுபொஅ.

16/08/25.