ஆனாலும் யாராலும் இதை....

திருமண நிகழ்வோ

பிறந்த நாள் கொண்டாட்டமோ

வேறு ஏதேனும் சந்தோஷக் கூடுகையோ !

எங்கும் ஒரே பரபரப்பு

ஒரே மினுமினுப்பு

ஒரே ஜிலுஜிலு ஜொலிப்பு

எல்லோர் முகத்திலும்

அச்சடித்த புன்னகை

கட்டிப்பிடித்தல் கைகுலுக்கல்

வணக்கம் சொல்லல்

குசல விசாரிப்புகள்

உடன் இருப்போரை

அறிமுகம் செய்தல்

அலைபேசி எண் பரிமாறல்

செல்பி

எல்லாம் சரி !

விதிவிலக்குகளைத் தவிர

அந்த அலைபேசியில்

மீண்டும் எப்போதேனும்

அழைத்தது உண்டா ?

செல்பி புகைப்படங்கள்

சேமிக்கப்பட்டதுண்டா ?

அங்கே

ஜொலித்தது அழகல்ல பகட்டு

காட்சிப் படுத்தியது போலிப் பெருமை

பரிமாறியது பாசமல்ல சடங்கு

வட்டியில்லாக் கடனாய் மொய் பரிசு

ஆனாலும் யாராலும் இதை

தவிர்க்க முடிவதில்லையே !

விதிவிலக்குகளைத் தவிர

நடிப்பு எங்கும் எல்லோருக்கும்

இயல்பாகி விட்டதோ !

சுபொஅ.

22/09/24.

[ விதிவிலக்குகளைப் பற்றி பேசவில்லை ]