தினம் ஒரு சொல் … 14 [ 4 /9/2018 ]
எளிமை ,ஆடம்பரம் என்பதற்கு நிரந்தர
அளவுகோல் ஒன்றுமில்லை .காலந்தோறும் மாறும் . ஊருக்கு ஊர் ,நபருக்கு நபர் மாறும் .
காந்தி ,காமராஜ் வாழ்ந்த காலம்
வேறு ; இன்றையக் காலம் வேறு .
ஒரு முறை ஒரு கேள்விக்கு பதில்
சொல்லும் போது தோழர் இஎம்எஸ் சொன்னார் . “நாங்கள் கம்யூனிஸ்டுகள் ,ஆனால் எங்கள் தலைமுறை
காந்தியிடமிருந்தே எளிமையைக் கற்றுக்கொண்டது . இன்றையத் தலைமுறை அதனை அப்படியே பின்பற்றுவது
இயலாது ; தேவையுமில்லை .”
கதர் ஒரு காலத்தில் எளிமை ;இன்று
ஆடம்பரம் . ரெடிமேட் ஒரு காலத்தில் ஆடம்பரம் இன்று அதுவே எளிமை .வானொலிப் பெட்டியே
ஒரு காலத்தில் ஆடம்பரம் ; இன்று டிவியே ஆடம்பரமல்ல தேவையாகிவிட்டது .
தேவைக்கும் ஆடம்பரத்திற்குமான
கோடு கூட மாறிக்கொண்டே இருக்கிறது .
ஒவ்வொருவரும் அவரவர் உழைப்பில்
அவரவர் சக்திக்கு உட்பட்டு நன்கு உடுப்பதோ ; உண்பதோ ; பொருட்கள் வாங்குவதோ ஆடம்பரம்
ஆகாது .
ஊரார் உழைப்பில் – ஊரை அடித்து
உலையில் போட்ட பணத்தில் – தேவைக்கு சம்மந்தமே இன்றி வாங்கிக் குவிப்பதும் ; மினிக்கித்
திரிவதுமே ஆடம்பரம் .
அட, “ ஊரன் வீட்டு நெய்யே எம்
பொண்டாட்டி கையே” என்பதுதானப்பா ஆடம்பரம் .அநீதி.அராஜகம்.
“
0 comments :
Post a Comment