5 comments :

1. 
   veligalukkuappaal
   
   6 November 2012 at 09:21

   1)/வைரமுத்து வழிமொழியும் பொத்தாம் பொதுவான கோரிக்கைகளும் தீர்வுகளும்யதார்த்தத்துடன் சரியாகப் பொருந்துமா?அரைகிணறு தாண்டும் நிலையல்லவா? என்சால்படான்பாதிப்புக்கெதிராக கேரள அனுபவம் கற்கப்பட்டதா?இந்தியாவின் நிலக்குவியலும் நிலவிநியோகமும்ஏன் கவனத்தில் கொள்ளப்படவில்லை?எல்லாவற்றையும் இறுதியாகத் தீர்மானிப்பது அரசியல்அன்றோ?அது ஏன் புறக்கணிக்கப்பட்டது?இப்படி எழும் எண்ணற்றக் கேள்விகளோடு …./
   2)வைரமுத்து திறம்பட எழுதும் திறமை உள்ளவர்தான், மறுப்பேதும் இல்லை. உங்கள் கேள்விகளும் நியாயமானவைதான். உங்கள் தரப்பு அரசியல் கொள்கையில் இருந்து நீங்கள் இக்கேள்விகளை எழுப்பியது நியாயம் எனில் இக்கேள்விகளுக்கு பதில்சொல்லும் தகுதியில் வைரமுத்துவின் அரசியல் கொள்கை இல்லை; வைரமுத்து முன்வைக்கின்ற அரசியல் கொள்கை என்ன என்ற கேள்வி இருக்கின்றது; மேலும் வைரமுத்து சிரம்மேல் வைத்து பூஜிக்கின்ற மு.கருணாநிதியும், அவரைத்தலைவராகக் கொண்ட கட்சியின் கொள்கையும் இந்தியாவில், தமிழகத்தில் நிலக்குவியலுக்கு ஆதரவானவர்கள், நில வினியோகத்துக்கு எதிரானவர்கள்; உலகமயத்துக்கும் தாராளமயத்துக்கும் ஆதரவானவர்கள். திமுக தமிழகத்தில் ஆட்சியில் இருந்தபோதும் அல்லது மத்தியில் ஆட்சிகளில் பங்கு பெற்றிருந்த போதும் நிலக்குவியலுக்கும் சொத்துக்குவியலுக்கும் ஆதரவான உலகமய தனியார்மயக் கொள்கைகளுக்கு ஆதரவாகவே இருந்த்து, இருக்கின்றது, நாளையும் இருக்கும்.
   3) /விவசாயிகள் மிகுந்த நாட்டில் வேளாண்மை நெருக்கடி முற்றியுள்ள நாட்டில் இவ்வளவு போதுமா? மனச்சாட்சியைத் தொட்டுச் சொல்லுங்கள்.ஊடகங்கள் விவசாயிகள் தற்கொலையையைவிட பங்குச்சந்தைச் சரிவைப் பற்றித்தான் கவலைப்படுகின்றன என்று விமர்சிக்கிறோம். ஆனால்படைப்புத்துறையில் நாம் நியாயம் வழங்கியுள்ளோமா ? .....இங்கேதான் விவசாய நெருக்கடியை நாவலாக - அதுவும் வெகுஜன இதழில் எழுதத்துணிந்தவைரமுத்து பாரட்டுக்குரியவர் ஆகிறார்/
   4) உண்மைதான். ஊடகங்கள் மட்டும் அல்ல, வைரமுத்துவின் அபிமானத்துக்கு உரிய மு.கருணாநிதி அவர்களும் அவரது குடும்பத்தாரும் கூட பங்குச்சந்தை சரிவைப்பற்றியேதான் கவலைப்படுகின்றார்கள்; சன் டிவி குழும்ம், கலைஞர் டிவி குழும்ம், ஹூண்டாய்...இவற்றின் பங்குகளில் சரிவு ஏற்பட்டால் கருணாநிதி குடும்பம் கவலைப்பட்த்தான் செய்கின்றது. வைரமுத்து பொத்தாம் பொதுவாக கண்ணீர் கசியும் நாவல்களை எழுதுவது மிக எளிது; அவர் நாளை வரும் மூன்றாம் உலகப்போர் குறித்து புனைவிலக்கியம் எழுதுவது இருக்கட்டும்; நேற்று நடந்த கீழ்வெண்மணி சம்பவத்தில் அவரது அபிமானத்துக்கு உரிய திமுகவும் ‘பேரறிஞர்’ அண்ணாவும் ‘முத்தமிழ் அறிஞர்’ கருணாநிதியும் யார் பக்கம் நின்றார்கள் என்பது குறித்து கண்ணீர் கசியும் ஒரு நாவலை வைரமுத்து எழுதவேண்டும்.
   5) தோழர், சு.பொ.அ.வின் எழுத்துக்களை சுபொஅவின் எழுத்துக்களாக நான் பார்ப்பதில்லை; அவரது எழுத்துக்கள் அவர் கொண்ட கொள்கையிலிருந்தும் சார்ந்துள்ள இயக்கத்தின் லட்சியங்களில் இருந்தும் பிறப்பவை, இப்படித்தான் உங்கள் எழுத்துக்களை நான் அணுக முடியும்; எனில் வைரமுத்துவின் எழுத்துக்களை எப்படி அணுகுவது? ‘அப்படி எல்லாம் எதுவும் பார்க்க அவசியம் இல்லை, சும்மா படித்து வையுங்கள்’ என்று சொல்வீர்களா? செருப்பு என்பது கால்களில் அழுக்கு ஏறாமல் தடுக்கும் ஒரு பாதுகாப்பு சாதனம், ஆனால் செருப்பில் அழுக்குப்படியும்; ஆனால் செருப்பிலும் அழுக்குப்படியாத வெள்ளை செருப்பை அணிந்துகொண்டு காரில் பவனி வந்து ஏசி அறைகளில் உட்கார்ந்து கொண்டு விவசாயிகளுக்காக கண்ணீர் வடிப்பவர்களின் கண்களில் வடிவது உண்மையில் கண்ணீர்தான் என்று நாம் நம்ப வேண்டுமா? நம்மை நாமே ஏமாற்றிக்கொள்ள வேண்டுமா? ‘எரிமலை எப்படிப் பொறுக்கும் நம் நெருப்புக்கு இன்னுமா உறக்கம்....’ ‘கலகக் குரலாக கவிதை எழுதுவது மட்டுமே எந்தப்பிரச்னையையும் தீர்த்துவிடாது’ என்ற அர்ஜூன் டாங்ளேயின் உரையாடல்தான் நினைவுக்கு வருகின்றது.
   இக்பால்

1. 
   kumaraguruparan
   
   7 November 2012 at 20:32

   வேளாண்மை இலக்கியம் என்ற புது வகை இலக்கிய வகைமையை (genre) எடுத்துவைத்து விவாதிக்கிறார் தோழர் சு. பொ ,அ. "மூன்றாம் உலகப்போரின்" நுட்பமான பகுதிகளை தனது அனுபவ அறிவின் அடிப்படையில் உரசிப்பார்க்கிறார் விமரிசகர். தலையணை போன்ற நாவல்களைப் படிக்க நேரமின்றி உழலும் உழைக்கும் மக்களை படிக்கத் தூண்ட, நாவல் களம் , கருத்து பற்றி நம்முடன் பரிமாறிக் கொள்கிறார். 15 ஆண்டுகளுக்கு முன்பு சு.போ.அ.பார்க்கும் ஒவ்வொருவரிடம் "ஆயிஷா" படித்தீர்களா என்று கேள்வியைக் கேட்டு வைப்பார்... அவர் 'நொச்சு தாங்காமல்' படித்த போதுதான் அந்த சிறு நாவலின் தாக்கம் பிருமாண்டமாகத் தெரிந்தது.எதையும் கேள்வி கேட்கும் குழந்தை உலகின் உன்னதம் புரிந்தது. உலகம் முழுதும் பேசப்படும் குழந்தை இலக்கியமானது. வங்கியில் கவுண்டரில் சேவை செய்துகொண்டே அதை இடையிடையே படித்து அழுது கண்ணீர்விட்டு விம்மவைத்த என் அனுபவம் இங்கு சொல்லித்தான் ஆகவேண்டும். நெடுநாள் மனதைத் 'தொந்தரவு' செய்த குறுநாவல்! இன்றும் 'ஆயிஷா' நடராசன் என்றால் தெரியாதோர் யார்? இந்த முறை 'உலகப்போரை' உடனேயே எதிர்கொள்ள வேண்டியது அவசியமாகிறது. - இரா. குமரகுருபரன், சென்னை-47

1. 
   Unknown
   
   8 November 2012 at 01:00

   மிகவும் சரியான - சுண்டக்காய்ச்சிய பகுப்பாய்வு...
   

1. 
   அகத்தீ
   
   8 November 2012 at 23:08

   தோழர் இக்பால்
   வணக்கம்
   எனது நூல் விமர்சனம் மீது தாங்கள் கருத்து பதிவீடு செய்திருப்பதற்கு முதலில் நன்றியைத் தெரிவித்துக் கொள்கிறேன்.
   
   1]எனது கேள்விகள் மறைமுகமாக வைரமுத்துவின் அரசியலை விமர்சனம் செய்திருக்கிறது.ஒரு படைப்பிலக்கியத்தின் மீது விமர்சனம் செய்யும் போது நேரடி அரசியல் விமர்சனம் பொதுவாகத் தேவை இல்லை விதிவிலக்குகளைத் தவிர.வைரமுத்துவுக்கு என் அணுகுமுறை போதும் என்பது என்கருத்து.
   
   2] கீழ்வெண்மணி குறித்து சோலைசுந்தரப் பெருமாள் தவிர்த்து வேறு யார் நாவல் படைத்தனர்? தமிழ்ச் செல்வனா?மேலாண்மையா?சு.வெங்கடேசனா? இப்படி இருக்க வைரமுத்துவை நோக்கி அப்படியொரு கேள்வியை வீசத் தேவை இல்லை?
   
   3]நான் ஒரு அனுபவத்தைச் சொல்கிறேன் . 2006 சட்டமன்றத் தேர்தலின் போது “குட்டுக் கதைகள்”என்ற தலைப்பில் ஒரு சித்தர் சொல்வதுபோல் அன்றாடம் ஒரு மக்கள் பிரச்சனையை சொல்ல முயன்றேன்.தினசரி ஒரு குட்டிக்கதைவீதம் 45 நாட்கள் சொன்னேன்.ஆனால் அதற்காக நான் கதைகளைத் தேடத் தொடங்கிய போது நமது முகாமிலுள்ள எழுத்தாளர்கள் எழுதிய கதை மிகச் சொற்பமாகவே கிடைத்தது.மாறாக குமுதம்,ஆனந்த விகடன் கதைகளைத்தான் பயன்படுத்த வேண்டியிருந்தது.விவசாயிகளைத் திரட்டாமல் மக்கள் ஜனநாயகப் புரட்சி இல்லை.ஆனால் நம் படைப்பாளிகள் எங்கே இருக்கிறார்கள்? இதச் சுட்டவும் சற்று ரோஷத்தை ஊட்டவும் முயல்கிறேன். அவ்வளவே.
   
   4] வைரமுத்து குறித்து அருணன் எழுதிய “சிகரம் தொட்ட கவிஞர்”, மற்றும் இதய கீதன் எழுதிய “மார்க்சிய பார்வையில் வைரமுத்து” இரண்டும் படித்தீர்களா? நம் முகாமிலிருந்து அப்படியொரு நயந்துரை வந்து கொண்டிருக்கும் சூழலில்: நான் அவ்வாறு செய்யாமல் இந்நாவலை சரியான கோணத்தில் விமர்சித்திரிப்பதாவே உணர்கிறேன்.
   
   மீண்டும் பேசுவோம்,
   நன்றி
   சுபொ

1. 
   அகத்தீ
   
   10 November 2012 at 16:48

   சிறந்த எழுத்தாளார் சோலை சுந்தரபெருமாள் எழுதிய “ செந்நெல் “ நான் சுட்டிக்காட்டிய வேளான் இலக்கிய பட்டியலில் இடம் பெறாதது குறித்து வருந்தி அவர் கடிதம் எழுதி இருந்தார். என் நினைவில் இருந்தும் எப்படியோ விடுபட்டுவிட்டது. இது பெரும் தவறே. இதற்காக வருந்தி அவருக்கு பதில் எழுதியுள்ளேன். மனப்பூர்வமாக மன்னிப்பைக் கோருகிறேன். மேலும் சி.எம்.முத்து எழுதிய “நெஞ்சின் நடுவே”, “கறிச்சோறு “ இரண்டும் விடுபட்டது குறித்தும் எழுதியிருந்தார். ஏற்றுக்கொள்கிறேன்.-சு.பொ.அகத்தியலிங்கம்.