பார்வைக் கோளாறு

இலவசங்கள்

நாட்டைக் குட்டிச்சுவராக்கிவிட்டன .

மூச்சைப் பிடித்து பேசியவன்தான்

இலவசத்தை முதலில் பெற

முண்டியடிக்கிறான்.

ஊழலால்தான்

நாடு கெட்டுவிட்டதென

நாப்பறை கொட்டுகிறவன்தான்

லஞ்சம் கொடுத்து காரியம் சாதிக்க

ஊருக்கு முந்தி புறப்படுகிறான் .

குடியால்தான்

குடிமுழுகிப் போய்விட்டதென

தலையில் அடித்து சத்தியம் செய்தவன்தான்

வீட்டுக்கு போகையில் மறக்காமல்

மதுபாட்டில் வாங்கிச் செல்கிறான்.

எல்லா அளவுகோல்களும்

இங்கே பேசமட்டும்தான்

தனக்கென வந்திடில் தனியொரு நியாயம்

பகலில் பசுமாடும் கண்ணுக்குத் தெரியாது

இருட்டினிலும் எருமையைத் தேடுவான்.

சுபொஅ.

8/6/2023.