எல்லாம் சரியாய் இருக்கிறது - ஆயின்
எதுவும் சரியாக இல்லை.
எல்லாம் அமைதியாக இருக்கிறது -ஆயின்
எதுவும் அமைதியாக இல்லை.
எல்லாம் நியாயமாக நடக்கிறது -ஆயின்
எதுவும் நியாயமாக நடக்கவில்லை.
எல்லாம் கடவுள் சித்தம் - ஆயின்
எதுவும் கடவுள் சித்தம் இல்லை .
சுபொஅ.
நீ தேசபக்தனாகிட
எளிய வழி
சாப்பிட மட்டுமே
வாயைத் திற
அப்போதும்
நீ எதைச் சாப்பிட
வேண்டும் என்பதை
”அவர்களே” தீர்மானிப்பர்
. சரிதானே !
பதில் சொல்ல ஏன்
வாயைத் திறக்கிறாய் ?
“ஆம்.” ,”இல்லை” என்பதற்கு
தலையாட்டினால்
போதுமே அப்போதும்
“அவர்கள்” சொல்லுகிறபடி ஆட்டினால் போதுமே !
பணிவு என்பதும்
அடிமைத்தனம் என்பதும்
வேறுவேறு என ஏன்
தப்பாக நினைக்கிறாய் ?
அதுவே இது .இதுவே
அது அறிவாய் இதை
அடிமைத்தனம் சுகமானது
எனச் சொல்!! .
அவர்களால் அவர்களுக்காக
அவர்களே ஆளுவதே
அரசு என்பதை இன்னுமா
அறியாமலிருக்கிறாய் ?
பிறக்கும் போது
நீ எதைக் கொண்டுவந்தாய்
போகும்போது நீ
எதை கொண்டு போகப்போகிறாய் ?
அழுது கொண்டே பிறந்தாய் அழுது அழுதே சாகு
உனக்கு விதிக்கப்பட்டதை
நீ ஏற்றுக்கொள்
ஆண்டவன் அனுகிரகமோ
ஆட்சியின் அனுசரணையோ
அவர்களுக்கு மட்டுமே
என்பதை அறியாயோ ?
தவறியும் முணுமுணுக்காதே
! தவறியும் வாயைத் திறக்காதே !
தவறியும் முஷ்டியை
உயர்த்தாதே ! தவறியும் கண் சிவக்காதே !
தவறியும் சிந்திக்காதே
! தவறியும் கரம் கோர்க்காதே !
தவறியும் போர்க்குணத்தோடு
எழுந்து நின்றுவிடாதே !
சுபொஅ.
தற்கொலை நேரம்….
பேய்களின் சக்கரவர்த்தி
வழிநெடுக முட்களையும் இருட்டையும்
ஒருசேர திணித்துக் கொண்டே இருந்தது.
கொஞ்சம் இரக்கமுள்ள பேய்கள்
மின்மினிப் பூச்சியையாவது விட்டுவைக்கலாமே
என மெல்ல முணுமுணுத்தது .
அங்கே என்ன சத்தம் என்கிற அதட்டலில்
முணுமுணுப்பு காணாமலே போய்விட
மயாண அமைதி இருட்டுக்கு துணையானது .
சக்கரவர்த்திப் பேயின்
விழிகளை நேரில் சந்திக்கவும் பயந்து
தேவதைகள் ஒழிந்து கொண்டன.
அகோர பசி கொண்ட சக்கரவர்த்திப் பேய்
வனம் ,வளம் ,அறிவு ,அன்பு அனைத்தையும்
இரத்த கவிச்சியோடு உண்டு களித்தது .
சுடுகாடான காட்டில் அழுகையும்
பற்கடிப்பும் ஒப்பாரியும் மாரடிப்பும்
நிரந்தரமாய் குடியேறியது
பிரார்த்தனைகளுக்கும் வேண்டுதல்களுக்கும்
அருள்பாலிக்க முடியாமல்
கடவுள்கள் தற்கொலை செய்துகொண்டனர் .
பேய்களின் ராஜ்யத்தில் எமக்கென்ன வேலை என
கடவுள் தற்கொலைக் குறிப்பில் எழுதியதை
சக்கரவர்த்தி பேய் வெற்றி என அறிவித்தது
எல்லாவற்றையும் விட மனிதம் வலுவானது என
சூரியோதயம் தெளிவாய்ச் சொன்னது
துவங்கியது சக்கரவர்த்திப் பேயின் தற்கொலை நேரம்.
சுபொஅ.
சிம்மாசனங்களின் கதை
சிம்மாசனங்கள்
உடைக்க முடியாதவை அல்ல.
வரலாற்றின் ராஜபாட்டை எல்லாம்
நொறுக்கப்பட்ட சிம்மாசனங்கள் மீதே
வென்றவர்களின் வரலாறு
தோற்றவர் மீதே எழுதப்படுகிறது
வென்றவர் சொல்லே வேதம் ஆகிறது
விக்கிரமாதித்தன்
சிம்மாசனம் மட்டுமல்ல
எல்லா சிம்மாசனத்திலும்
படியேற ஏற தலைக்கனம் ஏறும்
உச்சத்தில் உட்கார்ந்ததும்
ஆட்டம் துவங்கும் அழிவும்தான்
காலந்தோறும்
சிம்மாசனங்கள் தம் சவக்குழியையும்
தானே வெட்டிக்கொள்கின்றன
ஏழை சொல்லும் அம்பலமேறும்
பொன்னுலகக் கனவில்
மிதந்தால் கனவே மிஞ்சும்
சம்மட்டிகளால் சிம்மாசனங்கள்
உடைத்தெறியப்படும் நாள் வரும் !
கனவு மெய்ப்பட
உன் போர்நடைப்பாட்டை
உரக்கப்பாடு ! மேலும் ! மேலும் !
உரக்கப்பாடு ! இன்னும் பாடு !
கடைசிக்கும் கடைசியில் கிடப்பவன்
நெஞ்சங்கள் கொந்தளிக்கும் வரை
போர்நடைப்பாட்டை உரக்கப்பாடு !
சுபொஅ.
நன்றி!! கொரானா!!!
கொரானா! நீ ஒன்றும்
அவ்வளவு கொடியவனல்ல!!
உன்னுள் இரக்கமிருக்கிறது
நீ கொலை நோயல்ல!
நைந்த துணி
உன்னை அணைக்கமுடியாமல்
கிழிந்துபோவது உன் குற்றமா?
திண்மையுற கட்டப்படாத வீடு
உன்னை தாங்க முடியாமல்
தகர்ந்து போவது உன் பிழையா?
நீ
சாதி பார்க்கவில்லை
மதம் பார்க்கவில்லை
மொழிபார்க்கவில்லை
நாடு, இனம், வர்க்கம்
எதுவும் பார்க்கவில்லை
நோயோடு வாழ்பவர்
உன்னால் சாகிறார்
ஆரோக்கியமானவர்
உன்னை விரட்டுகிறார் ..
கொரானா நீ ஒன்றும்
அவ்வளவு கொடியவனல்ல
கொரானா!
உன் பெயராலும்
மதப் பகைமையை விசிறிய
வீணனை விட நீ கொடியவனல்ல
கொரானா!
நீ எங்கே தன் உடலுக்குள்
புகுந்துவிடுவாயோ என மிரண்டு
தேசமே திணறி நிற்கையில்
அடிமடியில் கைவைத்து
அனைத்தையும் சுருட்டும்
ஆட்சியாளரைவிட
கார்ப்பரேட் கொள்ளையனை விட
நீ கொடியவனல்ல!
டெல்லி சுல்தானும்
தமிழக ஜமீனும்
தங்களின்
சகல தோல்விகளையும்
சகல அநீதிகளையும்
நியாயப்படுத்த
உன்னைத்தானே
உச்சாடனம் செய்கிறார்கள்
அவர்களைவிட நீ
ஒருபோதும் கொடியவனல்ல!
கொரானா நிச்சயம் நீ
விரைவில் விடைபெற்றுவிடுவாய்
சந்தேகமில்லை!
ஆயின்
சாதி, மத வெறி உச்சம் பெற்ற
கார்பரேட் லாபவெறிக்கு
விளக்கு பிடித்து மேளம் தட்டும்
மோடிஷா அடிமை எடுபுடிகளைவிட
நீ கொடியவனே அல்ல!
உலகத்தை மனிதர்களை
அன்பை வெறுப்பை
புதிய பார்வையின் தேவையை
அறிவியலை அறத்தை
சமத்துவமிக்க மானுடத்தை
தேட வைத்த கொரானாவே
நன்றி! நன்றி!
போய் வா என சொல்வது
மரபெனிலும் நீ
போ! திரும்பி வரவே வேண்டாம்!
நாங்கள் திருந்த போராடுவோம்
போராடி திருத்துவோம் மானுடத்தை!!!
சுபொஅ.
கொரானா! நீ ஒன்றும்
அவ்வளவு கொடியவனல்ல!!
உன்னுள் இரக்கமிருக்கிறது
நீ கொலை நோயல்ல!
நைந்த துணி
உன்னை அணைக்கமுடியாமல்
கிழிந்துபோவது உன் குற்றமா?
திண்மையுற கட்டப்படாத வீடு
உன்னை தாங்க முடியாமல்
தகர்ந்து போவது உன் பிழையா?
நீ
சாதி பார்க்கவில்லை
மதம் பார்க்கவில்லை
மொழிபார்க்கவில்லை
நாடு, இனம், வர்க்கம்
எதுவும் பார்க்கவில்லை
நோயோடு வாழ்பவர்
உன்னால் சாகிறார்
ஆரோக்கியமானவர்
உன்னை விரட்டுகிறார் ..
கொரானா நீ ஒன்றும்
அவ்வளவு கொடியவனல்ல
கொரானா!
உன் பெயராலும்
மதப் பகைமையை விசிறிய
வீணனை விட நீ கொடியவனல்ல
கொரானா!
நீ எங்கே தன் உடலுக்குள்
புகுந்துவிடுவாயோ என மிரண்டு
தேசமே திணறி நிற்கையில்
அடிமடியில் கைவைத்து
அனைத்தையும் சுருட்டும்
ஆட்சியாளரைவிட
கார்ப்பரேட் கொள்ளையனை விட
நீ கொடியவனல்ல!
டெல்லி சுல்தானும்
தமிழக ஜமீனும்
தங்களின்
சகல தோல்விகளையும்
சகல அநீதிகளையும்
நியாயப்படுத்த
உன்னைத்தானே
உச்சாடனம் செய்கிறார்கள்
அவர்களைவிட நீ
ஒருபோதும் கொடியவனல்ல!
கொரானா நிச்சயம் நீ
விரைவில் விடைபெற்றுவிடுவாய்
சந்தேகமில்லை!
ஆயின்
சாதி, மத வெறி உச்சம் பெற்ற
கார்பரேட் லாபவெறிக்கு
விளக்கு பிடித்து மேளம் தட்டும்
மோடிஷா அடிமை எடுபுடிகளைவிட
நீ கொடியவனே அல்ல!
உலகத்தை மனிதர்களை
அன்பை வெறுப்பை
புதிய பார்வையின் தேவையை
அறிவியலை அறத்தை
சமத்துவமிக்க மானுடத்தை
தேட வைத்த கொரானாவே
நன்றி! நன்றி!
போய் வா என சொல்வது
மரபெனிலும் நீ
போ! திரும்பி வரவே வேண்டாம்!
நாங்கள் திருந்த போராடுவோம்
போராடி திருத்துவோம் மானுடத்தை!!!
சுபொஅ.
Subscribe to:
Posts
(
Atom
)