எதுவும் இறுதி அல்ல

ஒன்றின் இறுதி

இன்னொன்றின் தொடக்கம் .

என்றைக்கும்

தொடர் ஓட்டம்தான்

வாழ்க்கையும் காலமும்.

உதயத்தை

வாழ்த்துவது போலவே

அந்திமத்தையும்

வாழ்த்துவோம்.

பழுத்தன உதிரும்

புதியன துளிர்க்கும்

சோதனைகளும் துயரங்களும்

நேற்றும் இருந்தது.

இன்றும் இருக்கிறது.

நாளையும் இருக்கும் !

ஆயின்

நேற்றுபோல் இன்று இல்லை

இன்றுபோல் நாளை இருக்காது .

முன்னிலும் மேம்பட்ட வாழ்வுதான்

எப்போதும் நம் கனவு

ஒருபோதும் தானாய்க் குதிராது

என்பதே பட்டறிவு

சமூக அறிவியலாய் விடைதேடு !

வாழ்த்து என்பது நம் விருப்பம்

வாழ்க்கைப்பாடு என்பது யதார்த்தம்

இடைவெளியோ வெகுதூரம்

சோர்வின்றி போராடு !

நாளைய தலைமுறை வாழட்டும் !

சுபொஅ.

31/12/23.