நீ
மனித குலத்தை நேசிப்பது மெய்யெனில்
மனிதகுல விரோதியை யுத்தவெறியரை
கட்டாயம் வெறுக்கத்தானே வேண்டும் ?
நீ
உழைக்கும் வர்க்கத்தை
காதலிப்பது மெய்யெனில்
சுரண்டும் வர்க்கத்தை கொள்ளைலாப வெறியரை
சுட்டெரிக்கும் கோபம் பொங்கத்தானே வேண்டும் ?
நீ
ஒடுக்கப்பட்டோரை உளமார விரும்புவது உண்மையெனில்
ஒடுக்குவோரை ஆதிக்க
மேட்டுக்குடியை
சினம் பொங்க சீறி எதிர்க்கத்தானே வேண்டும் ?
நீ
சமத்துவத்தை சமூகநீதியை நம்புவது மெய்யெனில்
மநு நீதியை ஆதிக்க அதிகாரத்தை
பொசுக்கும் கோபம்
பொங்கத்தானே வேண்டும் ?
சு.பொ.அகத்தியலிங்கம்.
8 ஜூன் 2019 .காலை .8.40
0 comments :
Post a Comment