தலையைத் தடவு
கட்டியணை
சிறையில் போடு
மகுடம் சூட்டு
தர்ம யுத்தம் செய் !
சபதம் எடு
தனி ஆவர்த்தனம் வாசி
முட்டி மோது
பிரிந்து போ
தனிக்கடை போடு
கூட்டுச் சேர்
நட்டாற்றில் விடு
அவரைத் தூக்கு
இவரை மிதி
இவரை அவரை
விடாதே துரத்து கைவிலங்கோடு
ஆட்டுவி ! உன் விரல் அசைவில்
வாய் அவனுடையது பேச்சு உன்னுடையது
ஒற்றுமை உதடு சொல்க
சுக்கல் சுக்கலாய் உடைத்தெறி
இனி இவர்களை நம்புவதைவிட
சாணி நக்கியிடம்
சரணடைந்து விடுவதே மேலென
புத்தி பேதலிக்க விடு !
இது அரசியல் இல்லப்பா
நவீன பொம்மலாட்ட ஸ்கிருப்ட் !
'நாக்பூர் ஸ்டைல் கபளீகரம்' !
சுபொஅ.
05/09/25.
0 comments :
Post a Comment