யாரையும் காயப்படுத்தாமல்..
சு.பொ.அகத்த்யலிங்கம் .
யாரையும் காயப்படுத்தாத
கவிதையொன்று படைக்க வேண்டும் .
மாளாத ஆசை வெகுநாளாய் ..
யாரேனும் ஒருவர்
யோசனை ஒன்று பகருமின் !
” கடவுளைப் பாடுக!”
“ அறிவியல் கேள்வி
கேட்குமே !”
“ அப்படியானால்
, பகுத்தறிவைப் பாடுக !”
“ மதவெறியர் கோபம் பெருகுமே”
“ வரலாற்றைப் பாடுக!”
“ மெய்யான வரலாறெனில்
சாதி மத எதிர்ப்புகள் மிகுமே!”
“ இயற்கையைப் பாடுக!”
“ இயற்கை சமநிலை குலைத்திடும்
பகைவர்கள் சீற்றம் பெருகுமே!”
“ காதலைப் பாடுக!”
“ கலாச்சார அடியாட்கள்
கொலைவாள் ஓங்குமே!”
“ அரசியல் பாடுக!”
“ ஜால்ரா இசை மட்டுமே
ஒலிக்க வேண்டுமே
!”
“ அறத்தை போற்றுக!”
“ ‘நூலோர்’ அறமா? ‘வியர்வை’ அறமா?
மோதல் உண்டே”
“ நீதியைப் பாடுமின் !”
“ வர்க்கம் வர்ணம் பார்த்து
நீதியின் தராசும்ஏறி இறங்குமே!”
யாரையும் காயப்படுத்தாத
கவிதையொன்று படைக்க வேண்டும் .
மாளாத ஆசை வெகுநாளாய் …
0 comments :
Post a Comment