முதியோர் சொல்…

இளமையில்

அருகில் தெரிந்த துருவ நட்சத்திரம்

முதுமையில்

வெகுதூரத்தில் கண்சிமிட்டுகிறது …

அன்றும் இன்றும்

போராட்டச் செய்திகளிலேயே

இரத்தம் சூடேறுகிறது ….

அன்றோ

போராட்ட களத்தில் கம்பீரமாய்

மீசை முறுக்கி….

இன்றோ

செய்திகள் தரும் தெம்பில்

வீட்டில் இருந்தபடி….

உணர்ச்சி கொந்தளிப்பில்

தொட்டுவிடும் தூரமென

எட்டிநடை போட்டேன் அன்று …

வரலாற்றுத் தடத்தில்

அனுபவ வெளிச்சத்தில் பொறுமையைப்

போதிக்கும் இன்று …

செங்கொடிதான் மாற்று என்பதில்

மாற்று இல்லை ; நாளைய

தலைமுறை சாதிக்கட்டும்… !!

ஆசிர்வாதமா கனவா

ஆசையா இலட்சியமா

இது முதியோர் சொல் …..

இளமையில்

அருகில் தெரிந்த துருவ நட்சத்திரம்

முதுமையில்

வெகுதூரத்தில் கண்சிமிட்டுகிறது …

சுபொஅ.