எது உங்களுக்கு சவுகரியம் ?
=============================
சு.பொ.அகத்தியலிங்கம்
================================
நீ யோக்கியமா ?
நீ திருடவில்லையா ?
நீ செஞ்சி கிழிச்சிட்டியா ?
உன் ஒழுக்க லட்சணம் ஊருக்கே தெரியுமே ?
மாறி மாறி ஒரே வசனத்தை
அவர்கள் உமிழ்ந்து கொண்டிருக்க ..
அதுவே அரசியலென
ஊடகப் புலிகள் அளந்து கொண்டிருக்க ..
நீ யோக்கியமா ?
நீ திருடவில்லையா ?
நீ செஞ்சி கிழிச்சிட்டியா ?
உன் ஒழுக்க லட்சணம் ஊருக்கே தெரியுமே ?
சந்தடி சாக்கில் அம்பானி அதானி
மூட்டை கட்டிக்கொண்டிருக்க ..
உள்ளூர் முதலைகள் போதாதென
உலக முதலைகள் உதிரம் குடித்துக் கொண்டிருக்க ..
சில்லறையாகவும் மொத்தமாகவும்
நீதி விற்பனை களைகட்டிக்கொண்டிருக்க …
நீ யோக்கியமா ?
நீ திருடவில்லையா ?
நீ செஞ்சி கிழிச்சிட்டியா ?
உன் ஒழுக்க லட்சணம் ஊருக்கே தெரியுமே ?
போலீஸ் லத்திகள் நியாயம் கேட்பவனை
பொளந்து கட்டிக்கொண்டிருக்க ..
சோற்றுக்கிலாதவன் கோவணத்தையும்
“0” ஐ அமுக்கி தானம் செய்துகொண்டிருக்க ..
வயிறு பசித்தழும் போதும் ராமா என்பதா
அல்லா என்பதா பிதாவே என்பதா
நீ யோக்கியமா ?
நீ திருடவில்லையா ?
நீ செஞ்சி கிழிச்சிட்டியா ?
உன் ஒழுக்க லட்சணம் ஊருக்கே தெரியுமே ?
சோற்றுக்கில்லாவிடிலும் சாதி கவுரவத்தை
தலை முழுகாமல் புதைகுழியில் தடுமாற
இந்தியா வல்லரசாகிக்கொண்டிருக்கிறது
தமிழகம் முதன்மை மாநிலம் ஆகிக்கொண்டிருக்கிறது
நம்புவது உங்கள் தலை எழுத்து
நம்பாவிடில் என்கவுண்டர் , அவதூறு வழக்கு
எது உங்களுக்கு சவுகரியம் ?
சட்டுன்னு சொல்லுங்க !
நீ யோக்கியமா ?
நீ திருடவில்லையா ?
நீ செஞ்சி கிழிச்சிட்டியா ?
உன் ஒழுக்க லட்சணம் ஊருக்கே தெரியுமே ?
0 comments :
Post a Comment