வாழ்க "சாணி"நக்கித்தனம் !

 

யாருக்காக எழுதுவாய் ?

யாருக்காக அழுவாய் ?

பற்றி எரியும் டெல்அவிஸ்ஸுக்காகவா ?

அகமதாபாத் மரண ஓலத்துக்காகவா ?

கலவர நெருப்பில் பொசுங்கும் மணிப்பூருக்காகவா ?

பசியில் துடிக்கும் பாலஸ்தீனக் குழந்தைகளுக்காகவா ?

லாபவெறியிலா பூமிப்பந்தையே சூறையாடுவதற்கு எதிராகவா ?

வெறுப்பும் பொய்யும் மட்டுமே

வசுதைவ குடும்பகமாக்குவதற்கு எதிராகவா ?

போடா போ ! புண்ணாக்கு !

இதையெல்லாம் விவாதிக்க நாங்கள் என்ன வெட்டிப் பயலா ?

மாம்பழச் சண்டை

அணில் ஆட்டம்

முருகக் கடவுளை முச்சந்திக்கு இழுத்து பகடை உருட்டும் சகுனி பெருமை

"பயில்வான் ரங்கநாதன்" "இந்து நேசன்" வகைறா சூடான செய்திகள்

எவ்வளவோ இருக்கு !

போடா போ !புண்ணாக்கு!

உன் அன்பையும் மனிதத்தையும்

பகுத்தறிவையும் நேர்மையையும் தூக்கி உடைப்பில் போடு !

வாழ்க "சாணி"நக்கித்தனம் !

சுபொஅ.

14/06/25